Chinderstüeli für Musiker

di stüeli hani aus hochzitsgschänk für öpper dörfe mache.

d rüggelähne hani mit sperrhouz formverliimet u när ds biud usgschnitte.

d sitzflächi isch mit nussboumfurnier mehrschichtig verliimet.

ds gstöu vode stüeli isch us massivem nussboum härgstöut.

ungeruf gseh, hani no e gravur lo ifreesä woni aschliessend mit schwarzem spachtu ha ufgfüut, näbedranne isch, natürlich, mis brandzeiche (es söu ja es originau magart wärde).

ds ganze isch laggiert u somit guet putzbar.

bide füess het d uftragsgäberin für mi no lo notefüessli lismä u stopfe. jez gseh di vordere bei us wi musig notene. passend zu de noteschlüssle ir rüggelähne.

es het megaviu fröid gmacht, da ig scho geng mou e stueu oder es stüeli vo grund uf ha wöue säuber mache.

u ds si di erstä gsi woni gmacht ha.